Қазақстандық теннисші, әлемнің 245-ракеткасы Дмитрий Попко Морелия (Мексика) Челленджер 125 турнирінде жеңіске жетті, – деп хабарлайды Aikyn.kz ҚТФ баспасөз қызметіне сілтеме жасап.
Попко финалда әлемнің 95-ші, осы жарыстың 1-ракеткасы Джеймс Даквортпен чемпиондық атақты сарапқа салды.
Дмитрий Попко финалда аустралиялық Джеймс Даквортты (ATP 95) 1:6, 6:2, 6:4 есебімен жеңді.
Осылайша, 28 жастағы қазақстандық теннисші спорттық жолында екінші челленджер додасының жеңімпазы атанды. Ол 28,4 мың АҚШ доллары көлемінде табыс тауып, 125 рейтингілік ұпайға ие болды.
Қазір Попко ATP жаңартылған рейтингісінде 175-орында тұр.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.