Қазақстан Республикасы ІІМ Ұлттық ұланының спортшылары 25-30 наурыз аралығында Иорданияның Амман қаласында өткен Азия чемпионатында жоғары нәтиже көрсетті, – деп хабарлайды Aikyn.kz.
ІІМ баспасөз қызметінің мәліметінше, жеке есепте екі медаль жеңіп алған қазақстандық спортшылар дайындық деңгейінің жоғары екенін дәлелдеді.
86 келіге дейінгі салмақ дәрежесінде Болат Сақаев финалда Иран спортшысы Абольфазл Рахманимен кездесіп, тартысты жекпе-жекте қарсыласына жол берді. Дегенмен ол өз шеберлігін көрсетіп, күміс медаль жеңіп алды.
Ал 92 келіге дейінгі салмақ дәрежесінде Ұлттық ұлан спорт командасын даярлау орталығының аға нұсқаушысы Азамат Дәулетбеков қола жүлдегер атанып, чемпионаттың құрмет тұғырына көтерілді.
Қазақстандық ұландықтардың қорытынды жетістіктері: Болат Сақаев – 86 келі (күміс медаль) Азамат Дәулетбеков – 92 келі (қола медаль)
Осылайша, Қазақстан құрамасы бір алтын, екі күміс және екі қола алып, Азия чемпионатын бес жүлдемен аяқтады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.