Сергеев су қоймасындағы су деңгейі біртіндеп төмендеп келеді.
Су деңгейі төмендеп келеді
563
оқылды

Солтүстік Қазақстан облыстық мәс­ли­хатында «AMANAT» партиясы депу­тат­тық фракциясының отырысы өтті. Күн тәртібінде су тасқынына қарсы жүр­­гізіліп жатқан шаралар, міндетті ме­дициналық сақтандыру мәселелері қа­рал­ды. Сондай-ақ партияның сайлауалды бағ­дарламасын іске асыру жөніндегі Жол картасының осы жылға жоспарланған тармақтары талқыланды.

Су тасқынына қарсы жүргізіліп жат­қан жұмыстар туралы СҚО ТЖД төтенше жағдайлардың алдын алу басқармасының бастығы, Әсет Шайкин баяндады. Ол фрак­ция мүшелерін су тасқынына қарсы күреске тартылған күштер мен құрал­дар­дың саны, бөгеттерді нығайту бойынша жүр­гізілген іс-шаралар туралы хабардар етті. Облыстық ТЖД мәліметінше, Сер­геев су қоймасындағы су деңгейі біртін­деп төмендеп келеді.

Сонымен қатар фракция жетекшісі де­путаттардың партияның сайлауалды бағдарламасын іске асыру жөніндегі Жол кар­тасының бекітілген тармақтарын же­ке бақылауын қамтамасыз етудің маңыз­дылығы мен қажеттілігін атап өтті. Оты­рыс қорытындысы бойынша тиісті ұсы­­нымдар әзірленді.