Әскери шеру Ұлы Отан соғысындағы Жеңістің 80 жылдығына арналады. Қазір Астанада қарқынды жаттығулар өтуде: жеке құрам саптық қадамның айқындығын, қозғалыстардың синхрондылығын және бағандардағы теңестіруді пысықтайды.
Әскери қызметшілер төрт әскери бөлімнен келді: Мартбек Мамраев атындағы №52859, Қасым Қайсенов атындағы №68303, Бауыржан Момышұлы атындағы №28237 және Есет батыр Көкиұлы атындағы №20982. Астанада олар үшін далалық лагерь ашылды, онда тұрғын шатырлармен, асханалармен, моншалармен барлық қажетті жағдайлар жасалған. Тәулік бойы ТЖМ Апаттар медицина орталығының медицина қызметкерлері мен психологтері кезекшілік етеді, сондай-ақ Командалық-штабтық машина орналастырылды.
Шеруге ТЖМ техникасы — «АЛАН» броньды автомобильдері және «Айбат» бөлімшесінің арнайы машиналары да тартылады.
Шеруге қатысу бүкіл ведомство үшін маңызды оқиға болды. Бұл тек саптық түзету мен техникалық жарақтандыруды көрсету ғана емес, сондай-ақ ардагерлердің ерлігіне құрмет көрсету.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.