Қазақстандық кәсіпқой боксшы қыз Балауса Мұздыман (7-0, 5 КО) 5 сәуірде Астанада өткен бокс кешіндегі жеңісінен кейін BoxRec-тің жаңартылған рейтингінде позициясын жақсартты, – деп хабарлайды Aikyn.kz 1bol.kz-ке сілтеме жасап.
Балауса Астанадағы бокс кешінде филиппиндік Мария Тереза Пинилимен (7-2, 2 КО) жұдырықтасқан болатын. Сегіз раундтық жекпе-жекте төрешілердің бірауыз шешімімен Балауса жеңіске жеткен. Сол жеңістен кейін BoxRec жеңіл салмақтағы рейтингте Балаусаны 14-орыннан 9-орынға көтерді.
Балауса Мұздыман 2017 жылдан бері кәсіпқой бокста жүргенімен, дебютінен кейін алты жыл бойы жекпе-жек өткізбеген. 2023 жылдың наурыз айынан бастап тұрақты түрде рингке шыға бастады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.