Қазақстандық теннисші Жібек Құламбаева италиялық әріптесі Николь Фосса Уэрго екеуі Мадридте өткен W100 санатындағы турнирдің жұптық сында жеңімпаз атанды, – деп хабарлайды Аikyn.kz
Финалда Құламбаева мен Уэрго испаниялық Марина Бассольс пен Андреа Ласаро Гарсияны жеңді. Бірінші сетте испандықтар жеңіске жетті — 7:6 (9:7), алайда екінші сетте Жібек пен Николь есесін қайтарды — 7:6 (7:4). Жеңіс тағдырын шешкен чемпиондық тай-брейкте Қазақстан мен Италия өкілдері қарсыластарын 10:4 есебімен басып озды.
Бұл Құламбаева мен Уэргоның бірге жеңіп алған бесінші титулы. Алайда, бұл — олардың биылғы маусымдағы алғашқы жеңісі және W100 санатындағы алғашқы бірлескен жетістігі.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз