Ұлы Отан соғысының ардагері Михаил Головатюк соғыста көрсеткен көзсіз батылдығы үшін ІІ дәрежелі «Отан соғысы» ордені, «Жапонияны жеңгені үшін» медалі және Ленин орденімен марапатталған.
Туған жері – Иркутск облысы Усть-Ордынский Бурят-Моңғол ұлттық округі Алар ауданы Құтылық ауылы. 1927 жылғы 15 қазанда дүниеге келген ол, 1943 жылы еңбек армиясына, Иркутск-Байкал теміржол құрылысына шақырылады.
1944 жылдың желтоқсанында белсенді Қызыл армияға шақырылып, 579-атқыштар полкінің құрамында автоматшы ретінде Жапонияға қарсы ұрыстарға қатысты. 1952-1977 жылдары Өскемен қорғасын-мырыш комбинатында жүргізуші, балқытушы-тазартқыш болып жұмыс істеп, Өскемен қаласына көшіп келеді.