Павлодарда өрт болып, тұрғындар эвакуацияланды, – деп хабарлайды Aikyn.kz.
Өрт сөндірушілер өрт кезінде 3 баланы құтқарды.
«Бүгін Павлодар қаласы Желтоқсан көшесінде орналасқан бес қабатты үйдің бірінің 2-қабатындағы пәтерде өрт болды. Қатты түтіннің салдарынан баспалдақ маршымен 12 адам эвакуацияланып, 3 бала құтқару қалпақтары арқылы жану өнімдерімен уланудан құтқарылды», – делінген ТЖМ хабарламасында.
Өрттің таралуына жол берілмей, ол 18 ш.м. алаңда сөндірілді. Көміртегі тотығымен уланған 1 ер адам ТЖМ Апаттар медицинасы орталығының бригадасы алғашқы медициналық көмек көрсеткеннен кейін ауруханаға жатқызылды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.