Әр аймақта түрлі тазалық шарасы ұйымдастырылды. Экоакцияға елордалықтар ерекше ат салысты. Айналаны күл-қоқыстан арылтып, қаланы көгалдандыруға 100 мыңға жуық адам қатысты.
Олардың қатарында мемлекеттік қызметкерлер, әртүрлі еңбек ұжымдары, еріктілер мен қала тұрғындары бар. Бас қалада 12 мыңнан астам көшет отырғызылды.
Іс-шара "Таза Қазақстан" акциясы аясында өтті. Республикалық экологиялық акция Президент Қасым-Жомарт Тоқаевтың бастамасымен қолға алынған. Мақсат – халықтың назарын табиғаттың ластану проблемасына, қоршаған ортаны қорғауға, тазалықты сақтауға және қоғамда экологиялық мәдениетті қалыптастыруға аудару.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.