Демалыс күндері полицейлердің жұмысы күшейтілген: патрульдік жасақтардың саны артты, олар күшейтілген режимде қызмет атқарып жатыр.
"Ерекше назар қауіпті учаскелерге, халық көп шоғырланатын орындарға және қала сыртындағы тасжолдарға аударылып отыр", – деді Алматы облысы ПД өкілі.
Ведомство мәліметінше, жүргізушілер мен жаяу жүргіншілерге жол жүру ережелерін сақтау бойынша түсіндіру жұмыстары жүргізіліп жатыр.
"Жол қозғалысы ережелерін өрескел бұзу, оның ішінде көлікті масаң күйде басқару және жылдамдықты асыру анықталып жатыр. Полиция жол қозғалысына қатысушыларды барынша мұқият болуға, жол ережелерін қатаң сақтауға шақырады. Өзіңіздің де, айналаңыздағы адамдардың да өмірін сақтаңыздар!" – деп үндеу жасады ІІМ өкілдері.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.