Этно-поп стилінде ән айтатын башқұрттың Ay Yola тобы Маңғыстау жерінде бейнебаян түсірді, – деп хабарлайды Аikyn.kz.
Маңғыстау облысы Қоғамдық коммуникация орталығының мәліметінше, бейнебаян түсіру жұмыстары Бозжыра, Қызылкүп, Боқты, Торыштың жерінде өткен.
Ay Yola тобы өңір туризмін дамыту үшін Маңғыстау облысының әкімі Нұрдәулет Қилыбайдың шақыртуымен арнайы келді.
Топ мүшелерінің айтуынша, Маңғыстау жерінде Yola әніне түсірілген бейнебаян 13 маусым күні жарыққа шығады. Өнерпаздар аталған әнге бейнебаян түсіруді Қазақстанмен шектеліп қалмай, Өзбекстан, Якутия, Башқұртстанда да түсірген.
Айта кетсек, башқұрттың Ay Yola тобы көпшілікке Homay әнімен танылды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.