Қалаішілік автобуста кондуктор болып жұмыс істейтін келіншек полицияның құрал-жабдығын заңсыз пайдаланғаны үшін жауапқа тартылды. Петропавлдың әкімшілік құқықбұзушылық жөніндегі мамандандырылған соты оған айыппұл салды.
Сотта Қазақстан Республикасының Әкімшілік құқықбұзушылық туралы Кодексінің 675-бабы 1-бөлігі бойынша Әкімшілік құқықбұзушылық туралы іс қаралды.
– Сот талқылауы барысында 2025 жылдың 20 маусымында маршруттық автобуста азаматша Б. ішкі істер органдарының рәмізі бар арнайы нысанды, атап айтқанда «Жол полициясы» деген жилетті заңсыз кигені үшін ұсталды, – деп хабарлайды Петропавл әкімшілік құқықбұзушылық жөніндегі мамандандырылған соттың баспасөз қызметі.
Сот Б.-ны әкімшілік құқықбұзушылық жасағаны үшін кінәлі деп тауып, ішкі істер органдары қызметкерінің рәмізімен арнайы киім-кешек тәркіленіп, 19 660 теңге көлемінде айыппұл түрінде әкімшілік жазаға тартылды.
Қаулы бірден заңды күшіне енді.