Еңбек және халықты әлеуметтік қорғау министрлігі Еңбек және әлеуметтік әріптестік департаментінің басшысы Шалқар Оразбеков 31 желтоқсан демалыс күні болмайтынын мәлімдеді, – деп хабарлайды Aikyn.kz сайты.
Жаңа жылдың алды ресми деңгейде жұмыс күні болып қала бермек.
"Біз бұл мәселені қарастырдық, халықаралық тәжірибені зерттедік. Соның негізінде 31 желтоқсан барлық елде жұмыс күні, ал 1-2 қаңтар мереке күндері екенін анықтадық, демек 1-2-сі демалыс күндері деген қорытындыға келдік. Енді 31 желтоқсанды мереке күні деп жариялау мәселесі қарастырылып жатқан жоқ", – деді Оразбеков.