Елбасы Нұрсұлтан Назарбаев Қазақстанда коронавируспен күресу үшін 200 миллион теңге бөлуді тапсырды, – деп жазады Elbasy.kz.
Тұңғыш Президент қоры Қазақстандағы коронавирус инфекциясымен күресу үшін 200 миллион теңге бөлді.
«Бүгінде Қазақстанда барлық қажетті эпидемияға қарсы шаралар толығымен орындалып жатыр. Олар қазіргі жағдайда дер кезінде шаралар қабылдайды. Мемлекет бұрын-соңды болмаған жедел іс-шараларды іске асырып, жедел шешімдер қабылдайды. Қауіпті инфекциямен барлығы бірге күреседі. Бұл бастамаға жауапкершілікпен қарап, біздің қоғамның бірлігін көрсете отырып, жан-жақты қолдау көрсетуге шақырамын. Біз бұл сынаққа мойымаймыз. Қиындықтан аман-есен өтеміз. Біз – әрдайым біргеміз!», – деді Елбасы.
Бұл қаражат Елбасы Нұрсұлтан Назарбаевтың тікелей тапсырмасымен бөлініп отыр.
