Әлем чемпионатының күміс жүлдегері, дзюдодан еліміздің әйелдер құрамасының көшбасшысы Абиба Әбужақынова өзінің жеке дзюдо үйірмесін ашпақ, – деп хабарлайды Аikyn.kz сайты.
Оның айтуынша, бұл тек жаттығу залы емес, болашақ чемпиондардың ұясы болмақ.
«Дзюдо үйірмесін ашамын. Бұл тек жаттығу залы емес, болашақ чемпиондардың ұясы. Бұл – тәртіп пен ерік-жігер және де табысқа бастар жол болады», – деді Абиба Әбужақынова өзінің Instagram парақшасында.
Айта кетейік, Абиба Әбужақынова – екі дүркін әлем чемпионатының қола жүлдегері. Соңғы рет Будапеште өткен Әлем чемпионатында күміс медаль иеленді.