Абай облысында Төтенше жағдайлар министрлігіне қарасты «Қазавиақұтқару» АҚ экипажы санитарлық авиация желісі бойынша шұғыл көмек көрсетті.
Аягөзден науқас ер адам Семей қаласына дер кезінде жеткізілді. Оны алып шығу үшін МИ-8 тікұшағы әуеге көтерілді. Ұшақ бортында бес экипаж мүшесі мен екі медицина қызметкері болды.
Дәрігерлердің айтуынша, жедел көмек дер кезінде көрсетілгендіктен, науқасқа қажетті емді уақытында жасауға мүмкіндік туды.