Байқауға «Үздік проза», «Үздік поэзия», «Үздік драматургия», «Үздік әдеби аударма», «Үздік балалар әдебиеті», «Үздік әдеби сын» және «Үздік комикс» номинациялары бойынша бұрын жарияланбаған туындылар қабылданады.
Әдеби бәйгеге қатысқысы келетін қазақстандық қаламгерлердің жас ерекшелігіне шектеу қойылмайды. Сайыстың жүлде қоры – 35 млн теңге. Әр аталымның жеңімпазы 5 млн теңгеден иеленеді.
Қазір ұйымдастырушыларға 66 шығарма түскен. Оның ішінде: «Үздік проза» – 18, «Үздік поэзия» – 10, «Үздік драматургия» – 12, «Үздік әдеби сын» – 3, «Үздік әдеби аударма» – 5, «Үздік балалар әдебиеті» – 17 және «Үздік комикс» аталымына 1 жұмыс жолданған.
Айта кетейік, өтінімдер 2025 жылдың 1 қыркүйегіне дейін www.aiboz.kz сайты арқылы қабылданады. Жеңімпаздар жыл соңында анықталады.