Бүгін теңіз деңгейінен 3 200 метр биіктікте орналасқан «Шымбұлақ» тау-шаңғы курортында «Комби-2» аспалы жолы тоқтап қалды, – деп хабарлайды Aikyn.kz.
Алматы қаласы ТЖД құтқарушылары, ТЖМ РЖҚЖ және курорттың қызметкерлері шұғыл түрде кабинада қалған 21 адамды альпинистік құрал-жабдықпен түсірді.
Талғар асуында қалған шамамен 100 қонақты қауіпсіз жерге эвакуациялады.
Сондай-ақ «Шымбұлақ» ТШК әкімшілігі ыстық сусындар мен күтушілер үшін жылынатын орындар ұсынды.
Зардап шеккендер жоқ.
Аспалы жол уақытша жұмыс істемейді. Қазір қалпына келтіру жұмыстары жүргізілуде.
Еске салайық, ТЖД, РЖҚЖ, Құтқару қызметі және «Шымбұлақ» арқанды жолының күштері бұрын штаттан тыс жағдайларды үлгілейтін оқу-жаттығулар өткізген болатын. Дәл осы дайындық шаралары шынайы жағдайда құтқару операциясын жедел әрі қауіпсіз түрде жүргізуге мүмкіндік берді.