Біз көбіне «бақыт» дегенді үлкен жетістікпен байланыстырамыз: жоғары жалақы, жаңа көлік, сапар, табыс, жетістік... Ал шын мәнінде, өмірдің көп бөлігі — жай күндерден, кішкентай сәттерден тұрады. Сол сәттерді байқай алу — үлкен өнер.
Бақыт үлкен оқиғадан емес, күн сайынғы ұсақ сәттерден басталады. Төменде сол қарапайым қуанышты көруге көмектесетін бес тәсілді ұсынамыз.
1. Таңды асықпай қарсы алу. Күннің қалай басталатыны — көңіл-күйдің кілті. Таңертең телефонға емес, өзіңе назар аудар. Терезеден далаға бір қарап, таза ауамен тыныста. Бұл – кішкентай, бірақ санаға тыныштық әкелетін сәт.
2. Бір сәтке тоқтап, рахмет деу. Күн ішінде өзіңізді жақсы сезіндірген нәрсені байқаңыз: жылы сөз, дәмді шай, күлімсіреген адам. Сол сәтте іштей «рахмет» деу – өмірдің бар екенін сезіндіреді.
3. Адаммен емес, өзіңмен жарыс. Кейде өзгенің жетістігіне қарап, өз өмірімізді тарсынамыз. Бірақ бақыт — салыстырудан қашқанда келеді. Өзіңнің кешегіңнен жақсы болуға тырыс. Сол — алға жылжу.
4. Кішкентай жеңістерді бағалау. Бүгін көп істің бірін ғана орындасаң да, өзіңді мақта. Бір бет кітап оқу, бөлмені жинау, телефонды сөндіріп демалу — бұл да жетістік. Өзіңді жиі марапаттап үйрен.
5. Күн соңында жақсыны еске алу. Ұйықтар алдында «бүгін не қуантты?» деп ойлан. Бір сәт, бір күлкі, бір әңгіме. Сол арқылы ми мен жүрек «өмір жаман емес екен» деген сигнал алады.
Бақыт — табылатын нәрсе емес, байқалатын нәрсе.
Күн сайынғы қарапайым сәттерді көру — өмірді өзгертудің ең оңай жолы.