2026 жылы Қазақстандағы көптеген мемлекеттік мереке сенбі немесе жексенбі күндеріне сәйкес келгендіктен, демалыс күндері ауыстырылады, – деп хабарлайды Aikyn.kz сайты.
Электрондық үкімет порталында жарияланған ресми күнтізбеге сәйкес, бес күндік жұмыс аптасымен жұмыс істейтін қазақстандықтар үшін жыл бойы 15 қосымша мерекелік демалыс күні белгіленген.
Қаңтарда қазақстандықтар Жаңа жыл және Рождество мерекелеріне байланысты үш күн демалады. Наурыз айында Халықаралық әйелдер күні мен Наурыз мейрамына орай төрт қосымша демалыс беріледі. Атап айтқанда, 8 наурыз жексенбіге сәйкес келетіндіктен, демалыс 9 наурызға ауысады. Ал 21 және 22 наурыз сенбі мен жексенбіге түскендіктен, 24 және 25 наурыз демалыс болып бекітіледі.
Мамыр айында бірден төрт мереке бар: 1 мамыр – Қазақстан халқының бірлігі күні, 7 мамыр – Отан қорғаушылар күні, 9 мамыр – Жеңіс күні, және биыл 27 мамырға түсетін Құрбан айттың алғашқы күні. Жеңіс күні сенбіге сәйкес келгендіктен, оның орнына 11 мамырда демалыс беріледі.
Шілде айында 6 шілдеде атап өтілетін Астана күніне бір демалыс, ал тамызда 30 тамыз – Конституция күні жексенбіге түскендіктен, демалыс 31 тамызға ауыстырылады. Қазан айында 25 қазандағы Республика күні де жексенбіге сәйкес келіп, қосымша демалыс 26 қазанда беріледі. Желтоқсандағы Тәуелсіздік күні (16 желтоқсан) – жыл соңындағы соңғы ресми мереке.