Қазақстанның ерлер құрамасының боксшылары жаңа оқу-жаттығу жиынын бастады, – деп хабарлайды Aikyn.kz сайты.
Былғары қолғап шеберлері жаңа маусымға дайындықты Түркістан облысындағы оқу-жаттығу базасында өткізуде.
Қазақстан бокс федерациясының баспасөз қызметінің мәліметінше, оқу-жаттығу жиынына 50 спортшы қатысуда.
"Еліміздің барлық өңірінен жиналған боксшылар физикалық және функционалдық дайындықтарын арттырумен қатар, жалпы жаттығу көлемін жинақтауға басымдық береді. Сондай-ақ спортшылар төзімділікті арттырып, жаңа маусымда өтетін алдағы жарыстарға қажетті базаны қалыптастырады".
Айта кетейік, оқу-жаттығу жиыны 25 қаңтарға дейін жалғасады.