Индонезияның Солтүстік Сулавеси провинциясында толассыз жауған нөсер жаңбырдан болған су тасқыны мен көшкіндерден кемінде 16 адам қаза тапты, – деп хабарлайды Aikyn.kz Qazaqstan телеарнасына сілтеме жасап.
Билік өкілдерінің мәліметінше, су тасқыны салдарынан жүздеген тұрғын үйді су ағызып әкеткен. Табиғи апаттарды басқару жөніндегі ұлттық агенттіктің хабарлауынша, бірнеше күнге созылған муссон жаңбыры өзен жағалауларын шайып, балшық, тас және қоқыс араласқан су бірнеше елді мекенді басып қалған.
Төтенше жағдайлар агенттігінің өкілі Мухаридің айтуынша, апат салдарынан 600-ден астам адам үйлерін тастап, шіркеулер мен қоғамдық ғимараттарды паналауға мәжбүр болған. Солтүстік Сулавесидегі іздеу-құтқару қызметінің өкілдері ауа райы жақсарып, су деңгейі төмендегеннен кейін 16 адамның мәйіті табылғанын мәлімдеді. Қазіргі уақытта іздеу жұмыстары жалғасып жатыр, тағы үш адам хабар-ошарсыз кеткен
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.