Консультативтік болжамға сәйкес, қаңтар айы жылы болып, республика аумағы бойынша айлық орташа ауа температурасы нормадан 1-2°С жоғары болады деп күтіледі, – деп хабарлайды Aikyn.kz Қазгидрометтің ақпаратына сәйкес.
Айлық жауын-шашын мөлшері Қазақстан аумағының басым бөлігінде норма шамасында болжанады, ал нормадан көп мөлшерде - Павлодар облысында, Солтүстік Қазақстан, Шығыс Қазақстан облыстарының басым бөлігінде, Қостанай облысының солтүстігінде, Ақмола, Қарағанды және Абай облыстарының солтүстік-шығысында, Алматы және Жамбыл облыстарының оңтүстік жартысында, Түркістан және Жетісу облыстарының оңтүстік-шығысында күтіледі.
Ай бойы қар, екпінді жел, бұрқасын, тұман және көктайғақ болатын кезеңдер ашық, аязды ауа райымен алмасып отырады.
Елдің батысында бірінші онкүндіктің басында түнде ауа температурасы -10-18°С-қа, күндіз -5-12°С-қа төмендейді. Кейін ауа температурасының әлсіз оң мәндерге жоғарылауы күтіледі.
Елдің солтүстік-батысында, солтүстігінде және орталығында түнгі ауа температурасы -10-20°С-тан -3-8°С-қа, күндіз -2-12°С-тан -5+3°С-қа дейін;
- елдің шығысында түнде ауа температурасы -2-13°С-тан -10-18°С-қа, күндіз -6+2°С-тан -2-10°С-қа дейін;
- елдің оңтүстік-батысында, оңтүстігінде және оңтүстік-шығысында ауа температурасы түнде -2-12°С-тан -5+5°С-қа, күндіз -3+8°С-тан +5+10°С-қа, ал елдің қиыр оңтүстігінде +15°С-қа дейін ауытқуы күтіледі.
Айдың екінші және үшінші онкүндіктерінде суық толқындары күтілуімен, елдің солтүстігінде, солтүстік-батысында, шығысында және орталық өңірлерінде түнде ауа температурасы -25-35°С-қа, күндіз -15-20°С-қа дейін төмендейді деп болжанады. Қаңтардың ең жылы күндерінде ауа температурасының -5+3°С-қа дейін жоғарылауы болжанады.
Елдің батысында суық толқындар кезінде түнде ауа температурасы -20-27°С-қа, күндіз -12-19°С-қа төмендейді деп күтіледі. Айдың жекелеген күндерінде күндізгі ауа температурасы 0,+5°С-қа жоғарылайтын жылымықтар болжанады. Елдің оңтүстік жартысында түнгі ауа температурасы 0,-5°С-тан -10-20°С-қа дейін, күндіз +2+12°С-тан -3-13°С-қа ауытқуы күтіледі, үшінші онкүндіктің жекелеген күндерінде түнде ауа температурасы -20-30°С-қа, күндіз -10-18°С-қа төмендеуі күтіледі.