Александр Бублик маусымдағы алғашқы турнирінде бірден финалға шықты, – деп хабарлайды Aikyn.kz
Гонконгта өтіп жатқан ATP 250 турнирінің жартылай финалында ол америкалық Маркос Хиронды 3:6, 6:4, 6:2 есебімен жеңді. Бірінші сеттен кейін ракеткасын сындырғанымен, кейін өз геймдерін толық сақтап қалды.
Финалда Бублик италиялық Лоренцо Музеттимен (ATP №5) кездеседі. Егер бұл матчта жеңіске жетсе, Бублик мансабында алғаш рет әлемдік рейтингтің топ-10 қатарына кіреді.