Запорожье облысындағы Гуляйполе қаласында Украина қарулы күштері мен Ресей әскерлері арасында қиян-кескі ұрыстар жүріп жатыр, – деп хабарлайды Aikyn.kz
Кейбір қақтығыстар қала орталығына дейін жеткен. Бұл туралы Оңтүстік Украина қорғаныс күштерінің өкілі Владислав Волошин мәлімдеді. Соңғы тәулікте бұл бағытта 23 рет шайқас тіркелген, оның 14-і тікелей Гуляйполенің өзінде болған.
Волошиннің айтуынша, қала қазір «сұр аймаққа» айналған. Ресей әскері шағын топтармен шабуыл жасап, инфильтрация тактикасын қолдануда — яғни, украин қорғанысының ішіне еніп, маңызды нысандарды басып алуға тырысады. Шабуыл топтары қаланың шет аймақтарынан кіріп, орталығына дейін жетіп, украин штурм бөлімшелерімен бетпе-бет ұрысқа түседі. Тараптар белгілі бір аумақтарға жылжығанымен, онда бекіну өте қиын.