Ресейлік спорт сарапшысы Никита Васюхин Қазақстан құрамасының вингері Ислам Чесноковтың «Хартс» клубындағы жалақысы туралы мәлімет айтты.
Sports.kz таратқан ақпаратқа сәйкес, ол Чесноковтың ай сайын шамамен 12 мың фунт (8,2 млн теңге) көлемінде жалақы алатынын мәлімдеген.
Васюхиннің айтуынша, клуб Чесноковты тегін трансфермен алып, орта мерзімді келісімшартқа отырған, көтермеақысы да мардымсыз. Бұл соманы «Хартс» үшін қымбат инвестиция деп айтуға келмейді, бірақ ойыншының әлеуетін тексеру үшін жеткілікті.
Еске салсақ, Ислам Чесноков «Дандиге» қарсы матчтың (1:0) өтініміне енгенімен, алаңға шықпады.