Степногор қаласының іргесіндегі Бестөбе кентінің “Новая” шахтасында ер адамның мүрдесі табылды, – деп хабарлайды Aikyn.kz ақпараттық порталының тілшісі.
Қазіргі уақытта аталған факт бойынша қылмыстық іс қозғалған.
Полиция департаментінің мәліметінше, қайтыс болған жігіттің кім екені анықталды. Алдын ала белгілі болғандай, ол 1991 жылы туған Степногор қаласының тұрғыны болып шықты. Ол заңсыз шахта аумағына кірген.
– Қазіргі уақытта жедел-іздестіру шаралары жүргізілуде. Оқиғаның барлық жай-жапсарын анықтау үшін тергеу амалдары жалғастырылады, – деді Ақмола облыстық Полиция департаментінен.
Полиция Қылмыстық кодекстің 269-1-бабы 3-тармағы бойынша, яғни қорғалған нысанға заңсыз кіру арқылы абайсызда адам өліміне әкеліп соғуы бойынша сотқа дейінгі тергеу жұмыстарын жүргізуде.
Абзал АЛПЫСБАЙҰЛЫ, Ақмола облысы
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.