«Манчестер Юнайтедтің» бұрынғы вингері Луиш Нани Ақтөбеге қала мен клуб жобасымен танысу үшін келеді, – деп хабарлайды Aikyn.kz сайты «Инсайды от Карпа» Telegram-арнасына сілтеме жасап.
Инсайдер мәліметінше, егер барлық шарт көңілінен шықса, португалиялық футболшы бір жылдық келісімшартқа қол қояды. Келісім сомасы 840 мың АҚШ долларын құрайды, яғни ай сайын 70 мың доллар жалақы алады.
Сонымен қатар Нанидің клубтағы рөлі қарапайым ойыншымен шектелмейді. Ол халықаралық деңгейде ілгерілету жөніндегі ойнаушы менеджер қызметін атқарып, алаңдағы ойындарын шетелде «Ақтөбе» клубының имиджін дамыту жұмысымен қатар алып жүреді.