Атырау қаласында енесін пышақтап өлтірді деп айыпталған 40 жастағы әйелге қатысты сот үкімі жарияланды, – деп хабарлайды Aikyn.kz сайты.
Сот шешімімен айыпталушы қылмыстық жауапкершіліктен босатылып, мәжбүрлі түрде арнайы медициналық мекемеге емделуге жіберілетін болды.
Іс материалдарына сәйкес, тергеу барысында әйелдің шизофрения дертіне шалдыққаны және қылмыс жасаған сәтте есі дұрыс болмағаны дәлелденген. Осыған байланысты сот оны түрмеге қамау емес, мәжбүрлі емдеу шарасын қолдану туралы шешім қабылдады.
Сот үкімі заңды күшіне енгеннен кейін әйел тиісті медициналық мекемеге орналастырылады.