Қазақстан паспорты 78 елге жарамды: визасыз бара алатын елдер тізімі

Қазақстан төлқұжаты халықаралық рейтингте тағы да жоғарылады, – деп хабарлайды Aikyn.kz.  

Henley Passport Index-тің 2026 жылға арналған мәліметі бойынша, Қазақстан әлемдегі ең ықпалды төлқұжат тізімінде 57-орынға тұрақтады. Қазір Қазақстан азаматы әлемнің 78 еліне визасыз немесе жеңіл тәртіптегі режимде бара алады.

Қазақстан төлқұжатының дәрежесі соңғы бірнеше жылда жақсарып келеді. Мәселен, 2025 жылы 61-орынға жайғасқан. Биыл Қазақстан тағы бірнеше саты жоғарылап, 57-орыннан көрінді. Қазақстан төлқұжаты екі жарым жылда 13 орынға көтерілді.

Қазақстан азаматы визасыз 30 күнге дейін бара алатын елдер:

Қытайдың құрлық бөлігіне және Хайнан аралы

Малайзия;

Малдив аралы;

Біріккен Араб Әмірлігі;

Бразилия;

Вьетнам;

Қатар;

Марокко;

Никарагуа;

Оман;

Сербия;

Филиппин;

Эквадор;

Кук аралдары.

Ал кей мемлекетте визасыз мерзім қысқа:

Иран — 14 күн;

Хоңкоң — 14 күн;

Макао — 14 күн;

Барбадос — 28 күн;

Аргентина — 30 күн.

Туниске 90 күнге дейін визасыз баруға болады. Өзбекстанда 30 күннен көп болсаңыз, міндетті түрде тіркеуден өту қажет. Оңтүстік Кореяға 30 күнге дейін визасыз кіруге рұқсат етілгенімен, сапар алдында K-ETA электронды рұқсат қағазын рәсімдеу талап етіледі. Кей мемлекет еліміздің азаматына 60 күннен артық мерзімге визасыз жүруге мүмкіндік береді.

Әзербайжан — визасыз, бірақ 30 күннен кейін тіркелу қажет;

Грузия — 1 жылға дейін;

Қырғызстан — визасыз, 30 күннен соң тіркелу міндетті;

Таиланд — 60 күнге дейін, TDAC миграция картасын толтыру қажет;

Түркия — 90 күнге дейін.

Қазақстан азаматы мына мемлекеттерге жеңілдеген тәртіппен, яғни алдын ала тіркеусіз немесе әуежайда тіркеліп бара алады:

Албания — 90 күнге дейін;

Армения — 90 күнге дейін;

Беларусь — 30 күнге дейін тіркеусіз;

Доминикан Республикасы — 60 күнге дейін;

Замбия — 90 күнге дейін, ақылы электронды рұқсат қажет;

Индонезия — 30 күнге дейін, виза әуежайда рәсімделеді;

Колумбия — 90 күнге дейін;

Маврикий — 60 күнге дейін, құжат әуежайда рәсімделеді;

Молдова — 90 күнге дейін;

Моңғолия — 90 күнге дейін;

Намибия — 90 күнге дейін, рәсімдеу әуежайда жүреді;

Ресей — 90 күнге дейін, 30 күннен кейін тіркелу керек;

Сейшел аралдары — 30 күнге дейін;

Сент-Китс және Невис — 90 күнге дейін;

Сент-Винсент және Гренадиндер — 90 күнге дейін;

Тәжікстан — визасыз, бірақ 30 күннен кейін тіркелу қажет;

Украина — 90 күнге дейін;

Черногория — 30 күнге дейін, тек туризм маусымында.