Көлік министрлігі "Алматы-1" теміржол вокзалында құрылыс-монтаж жұмыстары әлі жүріп жатқанын мәлім етті, – деп хабарлайды Aykin.kz Бұл туралы Көлік министрлігінің баспасөз қызметі хабарлады.
Министрлік бүгінде нысанның дайындық көрсеткіші 40 пайызға жеткенін жеткізді.
Атап айтқанда, шатырдан жаңбыр суын ағызу кәрізі орнатылып, сыртқы демонтаж, сыртқы витраждар мен инженерлік желілердегі жұмыстар атқарылды. Сонымен қатар аралдық перрон платформасының құрылысы және электрмен жабдықтаудың уақытша желілерін орнату жұмысы аяқталды.
Нысанда шатырды орнату, металл қаңқаны күшейту, инженерлік желілерді, жылыту, желдету және автоматты өрт сөндіру жүйелерін монтаждау, сондай-ақ ішкі қабырғалар мен қалқаларды тұрғызу шаралары жалғасып жатыр.
Бұдан бөлек, вокзалды заманауи технологиялық жабдықтармен қамтамасыз ету жұмысы жүргізіліп, сыртқы және ішкі витраж жүйелерін жеткізу және монтаждау іске асырылып жатыр. Сондай-ақ лифт және эскалатор жабдықтарымен, жылыту, желдету және ауаны баптау жүйелеріне арналған инженерлік жабдықтармен жарақтандыруда.