«Ауыл» партиясынан ҚР Құрылтай депутаттығына кандидаттар Дәурен Бабамұратов, Жазира Сұлтанқұлова, Ұлан Абдыханов, Дәурен Рахымбек, Ильяс Досхожаев және Ерали Білеш Астана қаласындағы «СтальЦинк» ЖШС еңбек ұжымымен кездесті, - деп хабарлайды Aikyn.kz сайты.
Іс-шара барысында кәсіпорын басшысы Берік Медянов кандидаттарды өндіріс цехтарымен таныстырып, өндірістік әлеуеті мен шығарылатын өнім түрлері туралы ақпарат берді.
Кәсіпорын қызметкерлерімен кездесу барысында кандидаттар «Ауыл» партиясының «Гүлденсе ауыл, гүлденеді еліміз!» сайлауалды бағдарламасының негізгі басымдығын таныстырды. Сонымен қатар өндірісті дамыту, еңбек адамының мәртебесін арттыру, өңірлердің әлеуетін күшейту және кәсіпкерлікті қолдау бағытындағы бастамаларға қозғалды.
Жиын барысында кандидаттар еңбек ұжымының сауалдарына жауап беріп, пікір алмасты. Іс-шара соңында кандидаттар кәсіпорын ұжымына табысты еңбек пен жаңа өндірістік жетістіктер тілеп, алдағы сайлауға белсенді қатысып, өз азаматтық ұстанымдарын білдіруге шақырды.