Украина Қарулы күштерінің Бас штабы 26 шілдеге қараған түні Қырымдағы «Черноморнефтегаз» нысанына соққы жасалғанын мәлімдеді.
Ведомствоның хабарлауынша, бұл нысан Ресейдің Қырымдағы әскери топтарын отынмен қамтамасыз ету үшін пайдаланылған. Сондай-ақ Қаратеңіз ауданында «Герань» және «Гербера» дрондарын басқаруға арналған жерүсті белгі беру құралы жойылған.
Бұдан бөлек, Украина күштері Донецк облысындағы әскери логистикада қолданылған автокөпірге, Луганск облысындағы дрондар қоймасына және Ресей әскері шоғырланған ауданға соққы бергенін мәлімдеді.