Жаңа маусымды алғаш болып «Астана Балет» театры бастайды. 28 және 29 тамызда театр сахнасында Корей ұлттық балеті Адольф Аданның музыкасына қойылған «Корсар» спектаклі көрсетіледі. Қойылымның хореографы – Сон Чжонбин.
«Астана Опера» XIV театр маусымын 4 және 5 қыркүйекте Ахмет Жұбанов пен Латиф Хамидидің Мұхтар Әуезов либреттосына жазылған «Абай» операсымен ашады. Қойылым композиторлардың туғанына 120 жыл толуына орай сахналанады. Спектакль дирижері – Қазақстанның еңбек сіңірген қайраткері, Қазақстан Республикасы Мемлекеттік сыйлығының лауреаты Алан Бөрібаев. Маусым барысында театрда бірнеше премьера өтеді. Олардың қатарында Константин Радевтің хореографиясындағы «Чарли және Ирэн», Саттар Ғұмар сахналаған «Томирис» балеттері және режиссер Еслан Тойкеновтің балаларға арналған «Арман» музыкалық спектаклі бар.
Абай атындағы Қазақ ұлттық опера және балет театры 93-маусымын 12-13 қыркүйекте «Ақбала» ұлттық балетінің премьерасымен ашады. Қойылым Әбдіжәміл Нұрпейісовтің «Қан мен тер» трилогиясының желісімен сахналанып, шығарма алғаш рет балет өнері арқылы көрерменге жол тартады.
Сымбат БАУЫРЖАНҚЫЗЫ