Солтүстік Қазақстан облысында көлік қозғалысына уақытша шектеу енгізіледі, – деп хабарлайды Aikyn.kz.
ҚазАвтоЖол мәліметінше, 28 тамыз сағат 07:00-ден бастап жол қауіпсіздігін қамтамасыз ету мақсатында «Петропавл қаласының айналма жолы» автомобиль жолының 0-2,5 шақырым аралығындағы «Рубеж» шекаралық бақылау-өткізу бекетінен Жұмысшы кентіндегі Керуен көшесіне дейінгі учаскеде барлық көлік түрлерінің қозғалысына уақытша шектеу қойылады.
Жолды 2026 жылғы 29 тамызда ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.