Қазақстанда жеке тұлғалардың кірістері мен мүлкі туралы 270.00 нысанындағы декларацияны тапсыру мерзімі 15 қыркүйекте аяқталады.
Аталған декларацияны тапсыру міндеті барлық азаматқа бірдей қолданылмайды. Оны Салық кодексінде белгіленген санаттарға жататын жеке тұлғалар тапсырады. Олардың қатарында мемлекеттік қызметшілер мен оларға теңестірілген тұлғалар және олардың жұбайлары, сондай-ақ декларациялау міндеті заңнамада көзделген басқа да азаматтар бар.
270.00 нысанында есепті кезеңде алынған жекелеген кірістер, шетелдегі мүлік пен активтер және заңнамада қарастырылған басқа да мәліметтер көрсетіледі.
Декларацияны электронды түрде салық органдарының сервистері арқылы тапсыруға болады. Белгіленген мерзімді өткізіп алған жағдайда Қазақстан заңнамасында көзделген жауапкершілік туындауы мүмкін.