Қазақстанда 2025 жыл үшін жеке тұлғалардың мүлік салығын төлеу мерзімі аяқталды, – деп хабарлайды Aikyn.kz сайты.
Салықты 2026 жылғы 1 қазанға дейін төлеу қажет болды.
Мүлік салығын пәтер, тұрғын үй, саяжай, гараж, автотұрақ орны және басқа да салық салынатын жылжымайтын мүлік иелері төлейді.
Төлем мерзімі өткеннен кейін өтелмеген сома салық берешегі болып есептеледі. Оған белгіленген тәртіппен өсімпұл есептелуі мүмкін.
Мүлік салығының сомасын e-Salyq Azamat қосымшасындағы «Алдағы төлемдер» бөлімінен, коммуналдық төлем түбіртектерінен немесе банктердің мобильді қосымшаларынан тексеруге болады.
Заңнамада бірқатар санатқа мүлік салығы бойынша жеңілдіктер қарастырылған. Олардың қатарында ардагерлер, мүгедектігі бар адамдар, көпбалалы аналар және бөлек тұратын зейнеткерлер бар. Ал жетім балалар мен 18 жасқа дейінгі ата-анасының қамқорлығынсыз қалған балалар мүлік салығынан толық босатылады.