Тележүргізуші Дана Нұржігіттің «Көлеңке» атты кітабы жарыққа шықты , – деп жазды Aikyn.kz.
Тележүргізуші әлеуметтік желіде кітаптың тұсаукесері өткен сәттен видео жариялады. Іс-шарада ұлы Әлім анасын құттықтап жатқанын көруге болады.
Ол бұл туынды маңызды әлеуметтік мәселені түсіндіретін нұсқаулық екенін айтқан.
«Ең алдымен анамды құттықтағым келеді. Кітабыңыз құтты болсын! Анам екеуміз көрген қиындықты жауыма да тілемеймін. Бұл білім туралы кітап емес, бұл – инструкция. Сталкинг – әлеуметтік мәселе. Мұндай жағдайды тек анам екеуміз ғана бастан өткерген жоқпыз. Қазақстанда, жалпы әлемде мұндай оқиғалар көп кездеседі», – деді Әлім.
Айта кетейік, Дана Нұржігіт бұрынғы жолдасы тарапынан сталкингке тап болғанын айтқан еді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.