Нұр-Сұлтан қаласындағы Бейбітшілік және келісім сарайы ТМД елдері арасындағы өнер орталықтары мен музейлерінің арасында үздік үштіктің қатарына кірген. Бұл рейтингті ТурСтат агенттігі жасапты.
Бағалау кезінде нысандарға халықтың жиі баруы, онлайн-тур мен виртуалды экскурсия мүмкіндіктері ескерілсе керек.
ТМД елдеріндегі заманауи өнер орталықтары үздіктерінің қатарына Минск қаласындағы Беларусь Республикасының ұлттық заманауи өнер орталығы, Әзербайжан астанасындағы Гейдар Алиев орталығы, Нұр-Сұлтан қаласындағы Бейбітшілік және келісім сарайы (Пирамида), Еревандағы заманауи өнер музейі мен Ташкенттегі заманауи өнер орталығы кірген. Ал музейлердің ішінде аталған рейтингтің көшін Ресейдегі «Гараж» және Мәскеу заманауи өнер музейі бастап тұр. Бұл рейтингті жасау барысында музейлердің танымалдығы, виртуалды тур ұсыныстары мен музей экспозицияларына онлайн экскурсия жасау мүмкіндіктері ескеріліпті.
