«Коронавирус туралы анықтаманы талап ету артық» – авиация әкімшілігі

«Коронавирус туралы анықтаманы талап ету артық» – авиация әкімшілігі
Фото: Интернеттен алынды

Авиация саласының басшылығы жолаушыларды ПТР тестін тапсыруға міндеттемеуді сұрап отыр.

Олар: «әуекомпаниялар мен әуежай қызметкерлерін және жолаушыларды ПТР тестін тапсыруға міндеттемеу керек», – дейді. Олар бұл талапты қайта қарауды сұрайды.

Әкімшілік өкілдерінің айтуынша, жұмысқа кіріспес бұрын қызметкерлердің дене қызуы міндетті түрде өлшенеді. Ал, жолаушылар әуежайға кіреберісте жедел тест тапсыра алады. «Сондықтан анықтама талап ету артық» дегенді айтып отыр.

Қазір әуежайда сақтық шаралары күшейтілген. Бетперде мен қолғапсыз жүруге болмайды.

Жолаушылар әлеуметтік арақашықтықты сақтауы тиіс. Қазақстанның авиациялық әкімшілігінің бас директоры Питер Гриффитс: «Қазақстан үшін азаматтық авиацияның маңызы өте зор. Сондықтан оның толық қуаттылықпен жұмыс істеуіне күш салу керек. Егер ұшақ борттары жартылай бос болса, жаз маусымында жұмыс дұрыс жүрмесе, жыл аяғына дейін бірнеше әуе компаниясы банкротқа ұшырауы мүмкін. Сондықтан жолаушылардың қауіпсіздігін ойлай отырып, компаниялардың да тұралап қалмауына жағдай жасау керек», – дейді.

Aikyn.kz | Бүгінгі жаңалықтар. Әлем және Қазақстан жаңалықтары.