Шымкент қаласында бір күнде коронавирус инфекциясын жұқтырған 60 адам тіркелді. Бұл цифр алдыңғы күні +77 болған.
Осылайша, соңғы екі күнде шымкенттіктерді осынау цифрлар шошытып тастады.
Тіркелген 60 адамның 1-і Атырау облысынан келген азамат болса, 58-і вирусты жұқтырғандармен жақын қарым-қатынаста болған. 1-еуі ЖРВИ-мен ауруханаға жатқызылған болатын.
Штабтың хабарлауынша, қазіргі таңда науқастардың жағдайы қанағаттанарлық. Тиісті ем қабылдауда.
Қазіргі таңда науқаспен қарым-қатынаста болған адамдар анықталу үстінде.
Қазіргі уақытта Шымкент қаласы бойынша COVID-19 коронавирус инфекциясын жұқтырған 404 адам болды.
