Жаңалықтар

Карантинде әрбір үшінші ер адам баласының сабақ оқуына көмектескен

Карантинде әрбір үшінші ер адам баласының сабақ оқуына көмектескен
Карантинде әрбір үшінші ер адам баласының сабақ оқуына көмектескен
©Сурет итернеттен алынды
351
оқылды
Бұл мәліметті БҰҰ Әйелдер және ЮНФПА агенттігі мәлімдеді. Олар пандемияның бүкіл елдегі ерлер мен әйелдерге тигізетін әсерін бағалау үшін биылғы жылдың сәуір-мамыр айларына сараптама жасады.
Оған Қазақстанның 14 облысы мен Нұр-Сұлтан, Алматы және Шымкент қалаларынан 2202 респондент қатысты. Оның 53% әйел болса, 47% ер адамдар. Соның ішінде 59,8% қала тұрғыны болса, 40,2% ауыл тұрғыны еді.
Карантин кезінде көзге көрінбейтін, ақысы төленбейтін әйелдің үй шаруасы артқаны бәріне белгілі. Оның үстіне, мектеп пен балабақшалар жабылып, балалар үйде қамалды. Ал қазақи отбасының көбінде ата-ене, әке-шеше секілді қарттары тағы бар. [caption id="attachment_52627" align="alignnone" width="704"]әке мен бала ©Сурет интернеттен алынды[/caption] Зерттеу нәтижесі бойынша, бүкіл әлемде әйелдер ерлерге қарағанда үй шаруасын екі жарым есе көп орындайтыны анықталды. Әрине, әйелдің үй шаруасы артты. Алайда карантинде үйдегі шаруаны ерлі-зайыптылар арасында тең бөлуге әкелді. Қазақстандық ер адамдар үй міндетінен гөрі, балалар мен қарттарға қарай бастаған. Мәселен, әрбір үшінші ер адам балаларының сабақ оқуға көбірек көмектескен. Ал үйдегі қарттарға қарап, олармен уақытын өткізуі 30 пайызға артқан екен. [caption id="attachment_52631" align="alignnone" width="1024"]бала ©Сурет интернеттен алынды[/caption] Қазақстандағы ЮНФПА өкілі Джулия Валезеның айтуынша, карантин жағдайындағы үй шаруасының міндеттері әйелдермен қатар ерлер үшін де көбейген.
«Үй жұмысының басым бөлігі – отбасындағы тәртіпті сақтаумен, тамақ дайындаумен және балаларды тәрбиелеумен байланысты. Алайда үй шаруасын бөлуде гендерлік стереотиптердің ықпалы ауылдық жерлерде қатты байқалады. Мысалы, 14 жасқа дейінгі балаларға қарайтын негізінен әйел. Бала тамағын ішсе де, жуынып-киінсе де, үй тапсырмасын орындаса да, сырқаттанса да қарайтын анасы. Осының ішінде ер адамның орындайтын міндеті 3 пайыз ғана екен» деді ол.
[caption id="attachment_52634" align="alignnone" width="1024"]үй шаруасы ©Сурет интернеттен алынды[/caption] Қазақстандағы БҰҰДБ Тұрақты өкілі Якуп Бериштің мәлімдеуінше, Қазақстан халқының 96% әлі де әйелдерге деген біржақты көзқарасты ұстанады.
"Дегенмен ондай түсінік экономиканың дамуына қарай, коммуникациялық технологиялардағы өзгерістермен, жаңа заңдармен, саясатпен немесе арнайы бағдарламалармен, жалпы белсенділікпен, ресми және бейресми арналар бойынша жаңа идеялар мен тәжірибе әсерімен өзгеруі мүмкін», - дейді Қазақстандағы БҰҰДБ Тұрақты өкілі Якуп Бериш.