Сауд Арабиясында жыл сайынғы қажылық маусымы басталды. Мұнда коронавирус кесірінен әлемнің түкпір-түкпірінен қажылыққа келушілер саны күрт төмендеген болатын, - деп хабарлады bbc.com.
Биыл жылдағы екі миллионға жуық адамның орнына 10 мың адам қажылыққа келеді деп жоспарлануда. Қажылыққа әдетте көп адам шетелден келетін, алайда биыл тек осында тұратын шетел азаматтары қажылыққа қатыса алады. AFP агенттігінің мәліметінше, демалыс күні келген адамдардың дене температурасы тексеріліп, тест тапсырған соң ғана Меккеге кіргізілді. Қажылыққа келушілер мұнда карантин талаптарын сақтауға міндетті. Кез келген уақытта маска тағу міндеттеледі. Қазіргі таңда Сауд Арабиясы коронавирустан қатты зардап шеккен елдердің қатарынан табылып отыр. Мұнда 270 мыңнан астам адам короавирус жұқтырса, оның 3 мыңға жуығы вирустан көз жұмған.Меккеге 10 мың адам ғана қажылыққа келеді
