Аудандық білім, ішкі істер бөлімдері толық тексеріліп жатыр.
Өзбекстанның Қашқадария облысына қарасты Китаб ауданындағы мектептердің бірінің директоры мектептің дәретханасында асылып өлді, – деп жазады zakon.kz.
Дереккөздің хабарлауынша, 47 жастағы мектеп директоры өз-өзіне қол жұмсаған болуы мүмкін.
Қашқадария облыстық прокуратурасының мәліметінше, директор үш хат жазып қалдырған. Хаттың бірінде ол әріптестеріне жемқорлықпен күресуге кеңес берген.
Директорды сот-медициналық сараптама өткізбестен жерлеген.
Осы оқиғаға байланысты тергеушілер аудандық білім және ішкі істер бөлімдерінің жұмысын тексеріп жатыр.
