Майор Болат Булендин пауэрлифтингтен және оның жекелеген қимылдары бойынша ПҰҚ федерациясында әлем чемпионы атанды. Сондай-ақ GOLDEN TIGER – XIII халықаралық мультитурнирінде 82,5 келіге дейінгі дәрежеде 4 алтынды қанжығасына байлады.
Болат Булендин – халықаралық дәрежедегі спорт шебері. Оның жетістіктерінің тізімінде WRPF федерациясындағы әлем жеңімпазы, Азия чемпионы, пауэрлифтинг және жатып көтеру бойынша Қазақстан жеңімпазы титулдары бар. Әскери қызметші өзінің мансаптық жолында екі рет жаңа әлемдік рекорд орнатқан.
Халықаралық GOLDEN TIGER –XIII мультитурнирі – күш қолданатын спорт түрлерінің дәстүрлі фестивалі болып есептеледі. Биыл жекпе-жекке 50 спорт түрі бойынша 9 000-ға жуық спортшы қатысты.