Қазақстандық кәсіпқой боксшы Батыр Жүкембаев (17-0, 13 КО) мексикалық Рикардо Лараға (22-7, 10 КО) қарсы жекпе-жекте жеңіске жетті. Отандасымыз екінші раундта қарсыласын нокаутпен ұтты.
Екі боксшы Канаданың Монреаль қаласында өткен бокс кешінің басты жекпе-жегінде жұдырықтасты. Қазақстандық былғары қолғап шебері қарсыласын екінші раундта екі рет нокдаунға түсірді. Нәтижесінде төреші жекпе-жекті тоқтатып, дәрменсіз мексикалықты арашалап алуға мәжбүр болды.
https://www.youtube.com/watch?time_continue=5&v=-xRjuGCF7VU&feature=emb_logo
Батыр бастапқыда аргентиналық боксшы Максимилиано Рикардо Веронмен кездесуі керек болатын. Бірақ бұл боксшы виза алуда қиындықтар туындап, қарсыласын ауыстырды. Батыр Жүкембаев бұл жекпе-жекте WBA Continental Americas және IBF Inter-Continental чемпиондық атақтарын қорғауы керек болған. Бірақ кейіннен отандасымыз рейтинг үшін жұдырықтасатыны белгілі болды.
