Облыстық Полиция департаментінің баспасөз қызметінің мәліметі бойынша, қылмыс 23 қазанда түнгі сағат 03:50 Көкшетау қаласында болған.
Бұл туралы Көкшетау қалалық ПБ кезекшілік бөліміне «Алтын Раушан» ЖШС-ның күзетші-операторы хабарлады.
Оқиға орнына жеткен жедел-тергеу тобы күзетшіні байлаулы күйде тапқан.
[caption id="attachment_82548" align="aligncenter" width="900"] Фото: Интернеттен алынды[/caption]
«Маска киген бейтаныс ер адам ЖШС директоры кабинетінің терезесін бұзу арқылы кеңсенің ішіне кірген. Артынша, бухгалтердің бөлмесіне еніп, металл сейфті бұзып, ондағы 23 миллион теңгеге жуық ақшаны ұрлап кеткен», – дейді ведомстводан.
Осы оқиғаға байланысты полиция ҚР ҚК-нің 192-бабы 4-бөлігі «қарақшылық» бойынша іс қозғап, сотқа дейінгі тергеу амалдарын бастады. Ауыр қылмысты анықтау үшін жедел-тергеу тобы құрылды.
Жедел іздестіру барысында елорда маңындағы Зеренді ауданының 23 жастағы тұрғыны ұсталды. Одан 22 миллион теңгеден астам ақша тәркіленді. Күдікті қазір қамауда.
Фото: Интернеттен алынды[/caption]