Садридиннің соққыларына шыдай алмаған боксшы рингке қайта шығудан бас тартты (видео)

Осылайша, қазақ боксшысы кәсіпқой шаршы алаңдағы оныншы жеңісіне қол жеткізді

Қазақстандық кәсіпқой боксшы Садриддин Ахмедов (10-0, 9 КО) Канаданың Квебек қаласында 31 жастағы мексикалық Джонни Наварретемен (33-16-2, 15 КО) жекпе-жек өткізіп, жеңіске жетті.

1 раундтан бастап басымдық танытқан Ахмедов қарсыласына көбірек дәл соққы бағыттады. Ал мексикалықтың шабуылдары Садриддинді тығырыққа тірей алған жоқ. Ақырында Наваррете 8 раундта жекпе-жекті жалғастырудан бас тартты.

Осылайша, қазақ боксшысы кәсіпқой шаршы алаңдағы оныншы жеңісіне қол жеткізді. Осыншама кездесудің тоғызын мерзімінен бұрын аяқтады.

Сонымен қатар, Ахмедов 7 желтоқсан күні Монреал қаласында өтетін бокс кешінде де рингке шығады. Аталған бокс кешінің басты жекпе-жегі Давид Лемье мен украиналық Максим Бурсак арасында өтпек. Бұл андеркарттағы Ахмедовтың қарсыласы кім болары әзірге белгісіз.

https://youtu.be/P7XDJc683y4

Спорт эмоциаларының бас демеушісі - 1XBET компаниясымен чемпионды бірге таңдайық!

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.