Бекет атаға арналған онлайн конференция өтті

Оған «Nur Otan» партиясы Маңғыстау облыстық филиалы төрағасы Серікбай Трұмов, сондай-ақ Қазақстан, Түркия, Өзбекстан елдерінен келген теолог-ғалымдар, саясаттанушылар, философтар мен дінтанушылар, сондай-ақ Yessenov University профессор-оқытушылар құрамы мен ғылыми қызметкерлері қатысты.

Биыл елімізде көрнекті философ Әбу Насыр Әл-Фарабидің 1150 жылдығымен ұлы ақын-ағартушы Абай Құнанбаевтың 175 жылдығытұспа-тұс келіп отыр. Осыған орай Yessenov University қабырғасында Әл-Фараби және Абай атындағы 500 орындық екі оқу дәрісханасының ашылуы өтті.

 

Бекет атаға арналған онлайн конференция өтті

Өңір басшысы университет студенттері мен оқытушыларын айтулы оқиғамен құттықтады. Конференция отырысы Zoom платформасы арқылы онлайн форматта жүргізілді.

Танымдық шараның нәтижелі өтуіне ілтипат білдірген саяси ғылымдар докторы, ҚР Мемлекеттік хатшысы Қырымбек Көшербаев видео құттықтау жолдады.

Конференцияның пленарлық отырысына Қазақстанның Нұр-Сұлтан, Алматы, Түркістан, Атырау, Ақтөбе, Ақтау қалаларынан жəне Түркияның Стамбұл, Өзбекстанның Хиуа қалаларынан ғалымдар қатысып, баяндама оқыды.

 

Бекет атаға арналған онлайн конференция өтті

Сондай-ақ «Бекет ата танымындағы «Адам мен Ғалам концепциясы», «Бекет Ата жəне қазақтың көркемдік-эстетикалық танымы» бағыттары бойынша секция жұмыстары жүргізілді. Оған еліміздің əр өңірінен ынта білдірген ғалымдар мен Yessenov University профессор-оқытушылары, ғылыми қызметкер қатысты.

Өңірлік партия филиалының төрағасы С.Трұмов онлайн режимде жиынға қатысушырға сәттілік тілеп, түркі әлемінің басын біріктіріп, жастарды елжандылыққа, отаншылдыққа тәрбиелейтін шараның маңыздылығын атап өтті.

«Бүгінгі жиынның да негізгі мақсаты – бабамыздан қалған рухани байлық пен тағылымы мол мағлұматты көпшілік қауымға, оның ішінде жас ұрпақтың бойы сіңіру. Бекет атамыз туралы бұған дейін де зерттеуші-ғалымдарымыз том-том кітап жазып, ғылыми еңбектерін арнады. Әрине, ұлы тұлғаларымыз жайында жазылып, зерттеліп, ел назарына ұсынылып жатса еш артық етпейтіні анық», – деді өңірлік филиал төрағасы.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.