Дүниежүзілік денсаулық сақтау ұйымының мәліметтері бойынша, 4,2 миллиард адамның үйінде дәретхана жоқ.
19 қараша – Дүниежүзілік дәретхана күні. Бұл күн БҰҰ Бас ассамблеясының арнайы қарарымен 2013 жылы белгілен. Соған орай, бүгін Оңтүстік Африка Республикасы мен Швейцарияда Дүниежүзілік дәретхана күніне арналған форумдар өтуде.
Дүниежүзілік денсаулық сақтау ұйымының мәліметтері бойынша, әлем халқының 50 пайыздан астамы, яғни 4,2 миллиард адамның үйінде дәретхана жоқ. Оған қоса, ағынды суларды қауіпсіз тастау мүмкіндігі жоқ.
Дүние жүзінде 900 миллионға жуық адам әжетханаға ашық отыра береді. Соның кесірен көптеген жұқпалы және паразиттік аурулар туындауда. Тіпті, санитарлық жағдайдың болмауынан мыңдаған адам диареядан қайтыс болуда.